UN NOVO CLAUDIO EN AGOLADA

Con esta apertura, seguimos avanzando nun modelo de proximidade co obxectivo de prestar un servizo esencial á poboación desta localidade da provincia de Pontevedra e das zonas próximas.

Dinamización da contorna

O novo Claudio xera dous postos de traballo, en liña coa filosofía desta liña de negocio de favorecer a dinamización socioeconómica da contorna a través da creación de emprego. O equipo humano da franquía está integrado por máis de mil profesionais.

A atención personalizada é outro dos sinais de identidade deste modelo, que prioriza o trato próximo aos clientes e un horario de apertura amplo para dar o mellor servizo. O Claudio de Agolada abre, de luns a venres, de 9.30 a 14.30, e de 16.30 a 20.30 horas. Os sábados, de 10 a 14.30 horas.

9ª apertura do 2025

Esta é a novena apertura que levamos na liña de franquía en 2025. Alcanzamos os 246 establecementos, dos que 114 son Claudio e 132 operan baixo o formato Claudio Express. Están situados en Galicia, Castela e León, Asturias e Madrid.

A franquía Claudio é a de maior relevancia do sector da alimentación na comunidade galega cun crecemento sostido nos últimos anos. O éxito no seu desenvolvemento radica na oportunidade que supón entrar a formar parte da empresa líder de distribución en Galicia, cun modelo contrastado, baseado no acompañamento por parte dun equipo profesional especializado e o asesoramento integral antes, durante e despois da implantación do negocio.