ESTREAMOS UN CLAUDIO EN CEA

Chegamos a Cea cun Claudio franquiado. O establecemento abre as súas portas na rúa Calvo Sotelo nº 19 para dar un servizo esencial aos habitantes desta localidade da provincia de Ourense.

O supermercado conta cunha sala de vendas de 150 m2, no que destaca a carnizaría Pajariño, moi coñecida en Cea. Tamén dispón doutras seccións de produto fresco, como froitaría, panadería e chacinaría ao corte, ademais de droguería e artigos de hixiene. Os clientes teñen ao seu alcance unha variedade de 1.500 produtos.

Dinamización da contorna

O novo Claudio xera dous postos de traballo, en liña coa filosofía deste modelo de negocio de potenciar a dinamización socioeconómica da contorna a través do emprego, que contribúe a afianzar poboación en municipios con poucos habitantes. O equipo humano da franquía está integrado por máis de mil profesionais.

A atención personalizada é outra das sinais de identidade deste modelo, que prioriza a proximidade no trato aos clientes, e un horario de apertura amplo para dar o mellor servizo. O Claudio de Cea abre de luns a venres de 9 a 14, e de 16.30 a 20 horas. Os sábados, de 9 a 13.30 horas.

18ª apertura do 2025

Esta é a 18ª apertura que levamos a cabo na nosa liña de franquía en 2025. Alcanzamos os 252 establecementos, dos que 112 son Claudio e 140 operan baixo o formato Claudio Express. Están situados en Galicia, Castela e León, Asturias e Madrid.