ABRIMOS UN CLAUDIO EXPRESS NO POLÍGONO INDUSTRIAL A GRANXA DO PORRIÑO

Reforzamos a nosa presenza na provincia de Pontevedra coa posta en marcha dun Claudio Express no Porriño, concretamente na rúa Prolongación Paralela 3 do Polígono Industrial A Granxa. Trátase do 15º establecemento franquiado do ano.

Cunha sala de vendas de 75 m², o novo Claudio Express pon ao dispor do cliente preto de 750 referencias de alimentación e produtos básicos de droguería e hixiene. Unha oferta que está deseñada para dar resposta ás necesidades diarias dos numerosos traballadores do polígono e da zona. Ademais, o amplo horario de apertura durante todo o ano favorece unha compra rápida e accesible en calquera momento.

O complexo tamén conta con gasolineira, cafetería con terraza, boxes de aspirado e unha ponte de lavado adaptada para camións.

Xeración de emprego local

A posta en funcionamento destas instalacións supuxo a creación de 12 postos de traballo, reafirmando o noso compromiso coa dinamización económica e a fixación de emprego no territorio.

150 Claudio Express

Con esta apertura, sumamos 150 puntos de venda Claudio Express e alcanzamos un total de 264 establecementos franquiados, incluíndo os 114 Claudio. Este modelo está implantado nas comunidades autónomas de Galicia, Castela e León, Asturias e Madrid.