ABRIMOS UN CLAUDIO EXPRESS EN VEREA, O ÚNICO SUPERMERCADO DO MUNICIPIO

Seguimos chegando cada vez a máis persoas a través da liña de negocio franquiada. Estreamos un Claudio Express nun complexo con gasolineira do lugar de Casal de Bispo, no Concello de Verea. Trátase do único supermercado que hai no municipio, polo que a súa apertura supón mellorar os servizos esenciais para esta poboación rural, cunha importante dispersión xeográfica.

A tenda dispón dunha sala de vendas de 70 m2, na que ofrecemos unha variedade dunhas 600 referencias de alimentación, droguería e hixiene para satisfacer as necesidades básicas dos consumidores. O amplo horario de apertura das instalacións, que tamén contan con servizo de gasóleo a domicilio, butano e boxes de lavado e aspirado, favorece unha maior comodidade aos clientes para facer a compra.

Afianzar poboación no rural a través do emprego

Favorecer a creación de emprego para asentar poboación no medio rural é un os valores da liña de franquía, cun equipo de máis de 1.000 profesionais que traballan nos puntos de venda, situados en Galicia, Asturias, Castela e León e Madrid. Con esta apertura, xéranse 4 postos de traballo.

16 aperturas este ano

Mantemos a mesma liña de crecemento de aperturas neste 2025, con 16 novos establecementos deste modelo de negocio desde xaneiro. Dos 250 puntos de venda, 139 son Claudio Express e 111 Claudio.