ABRIMOS UN CLAUDIO EXPRESS EN SANTOVENIA DE LA VALDONCINA CO GRUPO MIRAT

Inauguramos na provincia de León o quinto establecemento franquiado no que vai de ano: un Claudio Express na estación de servizo que Grupo Mirat ten na Estrada C quilómetro 2,6, ao seu paso por Ribaseca, no municipio de Santovenia de la Valdoncina.

Esta apertura confirma a nosa aposta por estar máis preto dos clientes en León, provincia na que contamos con 9 Supermercados Gadis e 7 puntos de venda franquiados Claudio.

O novo Claudio Express dispón dunha sala de vendas de 90 m2, na que ofrece aos consumidores unha experiencia de compra rápida e cómoda cunha selección de 1.000 produtos básicos en alimentación, droguería e hixiene.

O establecemento completa os servizos das instalacións: gasolineira, café, butano e gasóleos a domicilio. O amplo horario de apertura, de 7 a 23 horas, todos os días do ano, favorece unha maior comodidade para os clientes.

Xerando emprego

O complexo xera 5 postos de traballo directos. Impulsar o emprego é un dos principais valores da franquía Claudio, implantada fundamentalmente en contornas semiurbanas e rurais, o que contribúe a crear comunidade e ao desenvolvemento local. Más de 1.000 profesionais traballan nesta liña de negocio.

Unha franquía que crece

O novo establecemento da provincia de León é o quinto que abrimos en 2026 e o primeiro deste ano en Castela e León. Ata o momento, sumaramos puntos de venda na provincia da Coruña (3) e na de Pontevedra (1). Así, alcanzamos os 256 puntos de venda franquiados, dos que 114 son Claudio e 142 Claudio Express. Están situados en Castela e Léon, Galicia, Madrid e Asturias.