ABRIMOS UN CLAUDIO EXPRESS EN ARBO

Estreamos outro punto de venda da liña de franquía Claudio na provincia de Pontevedra. O Claudio Express abre as súas portas nun complexo con gasolineira situado no km. 18 da estrada PO-400, que atravesa os municipios de Salvaterra de Miño, As Neves, Arbo e Crecente.

A tenda dispón dun espazo de 60 m2, cunha variedade básica dunhas 600 referencias de alimentación, droguería e hixiene orientadas a satisfacer as necesidades dos consumidores. A gasolineira, o servizo de butano, e a ponte e boxes de lavado e aspirado completan as instalacións, que contan cun amplo horario de apertura para maior comodidade dos clientes.

Creando emprego: 7 postos de traballo

Impulsar a creación de emprego é unha das fortalezas da nosa liña de Con esta apertura, xéranse 7 novos postos de traballo. Profesionais que se incorporan ao equipo con máis de 1.000 persoas que prestan os seus servizos nos establecementos deste modelo, con implantación en Galicia, Asturias, Castela e León e Madrid.

17 aperturas desde xaneiro

A provincia de Pontevedra concentra cinco das 17 aperturas desta liña de negocio no que vai de ano. Unha expansión que nos levou a sumar 251 establecementos, dos que 140 son Claudio Express e 111 Claudio.