ABRIMOS NA CORUÑA O PRIMEIRO CLAUDIO DO 2026

Empezamos o ano estreando un punto de venda franquiado Claudio na Coruña, o 7º desta liña de negocio na cidade e o 3º que abrimos en menos de dous meses. O novo establecemento súmase ao Claudio Express da gasolineira dos Rosales e ao Claudio da Praza de Tornos.

Con 350 m2 de sala de vendas, esta tenda de proximidade ofrece ao redor de 3.000 referencias de alimentación, droguería e hixiene, incluíndo as seccións de froitaría, carnizaría, chacinaría e lácteos. Ademais, conta cun amplo horario de apertura para proporcionar unha maior comodidade aos clientes ao facer a compra.

Axudando a crear emprego

A apertura do establecemento xera 3 postos de traballo. Axudar a crear emprego é un dos principais valores desta liña, na que traballan máis de 1.000 persoas en Galicia, Castela e León, Madrid e Asturias, as catro comunidades autónomas nas que está posicionada.

A franquía de alimentación máis relevante do noroeste

Coa nova tenda, alcanzamos os 252 establecementos franquiados, dos que 113 operan baixo o formato Claudio e 139 son Claudio Express.

O crecemento exponencial desta rede nos últimos anos baséase nun piar fundamental: a confianza no modelo de negocio por parte de emprendedores, empresas familiares e compañías grazas a unha infraestrutura loxística eficiente, unha variedade de produtos que cubre todas as necesidades do mercado, e o apoio aos franquiados en cada etapa do proxecto.