ABRIMOS EN A CORUÑA O 20º ESTABLECEMENTO FRANQUIADO DESTE ANO

Abrimos en A Coruña o 20º establecemento franquiado deste ano. Trátase dun Claudio Express situado na gasolineira da rúa Alfonso Rodríguez Castelao, que dá servizo aos numerosos veciños de Los Rosales. Unha tenda con 50 m2 de sala de vendas na que pon ao dispor do consumidor ao redor de 500 referencias de alimentación, que lle permiten satisfacer as necesidades básicas nunha compra rápida.

Ademais do Claudio Express e da gasolineira, o complexo conta con boxes de lavado e aspirado. O amplo horario de apertura, de 7 a 23 horas, é un plus de comodidade para os clientes.

Máis emprego

As instalacións supoñen a creación de 8 postos de traballo directos. Impulsar a xeración de emprego é un dos valores da franquía Claudio, que está implantada tanto no ámbito urbano como en contornas semiurbanas e rurais, onde contribúe a crear comunidade local e fixar poboación.

20 aperturas en 2025

A fortaleza da franquía Claudio, a de maior relevancia no sector da alimentación de Galicia, plasmouse nun importante crecemento este ano con 20 novos establecementos, tanto na comunidade galega como en Asturias, Madrid e Castela e León. Así, sumamos 254 establecementos franquiados, dos que 141 son Claudio Express e 113 Claudio.